"Олимпик" ўз тарихидаги энг йирик мағлубиятни қабул қилиб олди

Суперлиганинг 25-тури доирасида "Олимпик" Олмалиқда АГМКга йирик 0:6 ҳисобида мағлубиятга учради. Бу Темур Кападзе жамоасининг ўз тарихидаги энг йирик мағлубият сифатида қайд этилди.

"Олимпик" бунгача 2021 йил Про-Лигада "Динамо"га 1:5 ҳисобида мағлубиятга учраганди. Суперлигада эса пойтахтликлар дербида "Локомотив"га 0:3 ҳисобида имкониятни бой бериб қўйган.

Маълумот учун, "олимпиячилар" айни дамда турнир жадвалида 32 очко билан 8-ўринда бормоқда.