Олимпия ва Паралимпия ўйинларини ўтказиш учун харажатлар камайтирилади
Ҳаммаси коронавирус билан боғлиқ.
Токиода бўлиб ўтадиган Олимпия ва Паралимпия ўйинлари Ташкилий қўмитаси коронавирус пандемияси туфайли ўйинлар харажатлари тахминан 30 миллиард йенага қисқартилишини маълум қилди.
15 миллиард йенага яқин харажатлар объектларда тадбирларни ўтказиш учун вақтинчалик иншоотлар қуриш, шунингдек ёритиш асбоблари, томошабинлар учун жойлар ҳамда чипта сотиладиган киосклар сони камайтирилиши ҳисобига тежалади.
Ташкилий қўмита, шунингдек Токиога келадиган расмий шахслар сонини қисқартириш, Олимпия қишлоғини ва мусобақалар майдонини безаш, автобус ва бошқа транспорт воситалари, байрам маросимлари учун харажатларни камайтиришни режалаштирмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар