Ondo Cero: "Бавария" "Реал" футболчисини ижарага олди

Мадриднинг “Реал” клуби  ҳимоячиси Альваро Одриосола мавсумни “Бавария”да давом эттиради. Бу ҳақда Onda Cero нашри хабар тарқатмоқда.

Юқоридаги манбаага кўра томонлар ўзаро келишувга эришишган ва тез орада шартнома имзолашлари кутилмоқда.

Берилган маълумотларга қараганда 24 ёшли Одриосола бугун “Реал” машғулотларида қатнашмаган ва у Испания кубогидан ўрин олган “Унионистас”га қарши ўйинда иштирок этмайди.

Эслатиб ўтамиз, бундан аввалроқ “Бавария”да Одриосоладан ташқари шунингдек “Барселона” ҳимоячиси Нелсон Семеду номзоди ҳам борлиги ҳақида ҳам хабарлар тарқалган эди.