Opta суперкомпьютери АПЛнинг асосий фаворитини аниқлади

Opta суперкомпьютери Англия Премьер-лигасида жорий мавсум якуни бўйича жамоаларнинг чемпионлик имкониятларини баҳолади. Унга кўра, асосий фаворит сифатида Лондоннинг "Арсенал" жамоаси кўрсатилди.

"Арсенал"нинг чемпионликни қўлга киритиш эҳтимоли 91,41 фоизга баҳоланган. Иккинчи ўринда "Манчестер Сити" жой олган бўлиб, уларнинг имконияти 7,09 фоизни ташкил этмоқда. Учинчи асосий даъвогар сифатида "Астон Вилла" қайд этилган — 1,36 фоиз.

Айни пайтда мусобақа турнир жадвалида "кононирлар" пешқадам бўлиб турибди. Микель Артета жамоаси иккинчи ўринда бораётган "Манчестер Сити"дан 6 очко олдинда.

Учинчи поғонада 47 очко билан биргемликлар, тўртинчи ўринда эса 44 очко жамғарган "Манчестер Юнайтед" жой олган.