Opta суперкомпьютери "Барселона"нинг Ла Лигадаги чемпионлик эҳтимолини кескин оширди

35-тур доирасида каталонияликлар драматик тарзда "Реал Мадрид"ни 4:3 ҳисобида мағлуб этди. Мусобақа якунига 3 тур қолган бир пайтда "Барселона" рақибидан 7 очко фарқ билан олдинга чиқиб олди.

Шундан сўнг Opta ҳисоб-китобларига кўра, "кўк-анорранглилар"нинг чемпионлик имконияти 99,4 фоизга етди. "Қироллик клуби"нинг эса чемпионликни сақлаб қолиш эҳтимоли бор-йўғи 0,6 фоизни ташкил этмоқда.

Қолган турларда "Барса" "Эспаньол", "Вильярреал" ва "Атлетик"га қарши майдонга тушади. "Реал" эса "Мальорка", "Севилья" ва "Сосьедад" билан куч синашиши керак бўлади.