Ўқ отиш. Спортчиларимиз Осиё чемпионатини 5 та медаль билан якунлади

Қозоғистонда стенддан отиш бўйича қитъа биринчилиги якунланди.

Унда иштирок этган жамоамиз 1 та олтин, 3 та кумуш ва 1 та бронза медалларига сазовор бўлишди. Мусобақанинг сўнгги кунида жамоавий дастурда йигитларимиз яна бир кумуш медаль билан тақдирланишди.

Қайд этиш жоиз, беллашувларни кузатиб бориш, мерганларимизни қўллаб-қувватлаш учун Ўзбекистон ўқ отиш федерацияси раиси Ойбек Норинбоевнинг ҳам баҳслар ўтказилган обектга ташриф буюрди.

МОҚ матбуот хизмати