Ўртоқлик ўйини. Ўзбекистон яна ютказди!

Ҳозиргина Дубай шаҳридаги "The Sevens" ўйингоҳида Ироқ ва Ўзбекистон жамоалари ўртасидаги ўртоқлик учрашуви ўз якунига етди. Унда вакилларимиз 2:1 ҳисобида мағлуб бўлди. 

Биринчи таймда Ҳамдамов томонидан киритилган голга ироқликлардан Моханнад Али ва Аднан Али жавоб қайтарди. 

• Ўртоқлик учрашувлари
• 1-тур

1 : 2

17/11/2020 19:00

Батафсил

• 90'
  

  Учрашув якунланди. Матнли трансляцияни Абдулвосид Валихонов олиб борди. 

• 90+'

  Терма жамоамизнинг жарима майдонига узатган тўпи аниқ зарба билан якунланмади. 

• 90+'
  

  Ўйиннинг асосий вақтига 3 дақиқа қўшиб берилди. 

• 88'

  Терма жамоамизнинг ҳужумлари бесамар якунланмоқда. 

• 85'
  

  ГООООООООООООООЛЛЛЛЛЛЛЛЛЛЛЛЛЛ!!! Пенальтини Аднан аниқ амалга оширди. Неъматов тўпни қайтаришга яқин келганди. 

• 84'
  

  Қодирқулов ва Абдухолиқов ўрнига Бозоров ва Убайдуллаев майдонга тушди. 

• 83'

  Рустам Ашурматов жарима майдони ичида рақибни йиқитди. Пенальти.

• 82'

  Неъматов сал бўлмаса, яна бир хатога йўл қўярди. У иккинчи урунишда тўпни ушлаб олди. 

• 80'

  Холмуҳаммедовнинг жарима майдонига узатган тўпи ҳимоячилар томонидан қайтарилди. 

• 77'
  

  Қобилов сариқ карточка билан жазоланди. 

• 76'

  Вакилларимизда яхши вазият юзага келди. Аммо кетма-кет зарбалар гол билан якунланмади. 

• 74'
  

  Тўраев ва Эркинов ўрнига Холмуҳаммедов ва Турғунбоев майдонга тушди

• 72'

  Мозговойнинг қанотдан узатилган тўпга бош билан берган зарбаси кучсиз чиқди.

• 71'

  Рақибнинг ўта хавфли ҳужуми бир амаллаб қайтарилди. 

• 70'
  

  Тўраев сариқ карточка ишлаб олди. 

• 67'
  

  Исмоилов ва Ҳамдамов ўрнига Мозговой ва Машарипов майдонга туширилди. 

• 65'

  Рақибларимиз голдан руҳланиб олдинга бормоқда. 

• 63'
  

  ГОЛ! Неъматовдан кутилмаган хато. Муханнад Алининг зарбасини дарвозабонимиз ушлаб ола билмади.

• 62'

  Ироқнинг қарши ҳужуми ҳимоячиларимиз томонидан осонгина қайтарилди. 

• 60'

  Вакилларимизнинг ҳужумлари бесамар якунланмоқда. 

• 58'

  Ироқ ҳужумчисининг жарима майдонига узатган тўпига шериклари етиб кела олмади. 

• 56'

  Ироқ футболчисининг зарбаси кучсиз чиқди. 

• 54'
  

  Вакилларимизнинг бурчак зарбаси ҳужумдаги фол сабаб тўхтатилди. 

• 52'

  Неъматов жарима майдони ташқарисидан берилган зарбани қайтара олди. 

• 50'

  Йўлдошевнинг рейдини рақиблар қоидани бузган ҳолда тўхтатишди. 

• 48'
  

  Ироқнинг бурчак зарбасини ҳимоячиларимиз қайтариб юборди.

• 46'

  Ҳожимат Эркиновнинг чап қанотдан уюштирган рейди зарбагача етиб бормади. 

• 46'
  

  Иккинчи тайм бошланди. 

• 45'
  

  Танаффус.

• 45+'
  

  Биринчи таймга 1 дақиқа қўшиб берилди. 

• 45'
  

  Ўзбекистон терма жамоасининг бурчак зарбаси дарвозабон томонидан ушлаб олинди. 

• 43'
  

  Кетма-кет иккита бурчак зарбамиз анча хавфли чиқди. Тўраевнинг биринчи зарбаси дарвоза тўсинига тегди, Қобилов томонидан берилган иккинчи зарба ҳимоячилар томонидан қайтарилди. 

• 42'
  

  Эркиновдан ажойиб комбинацион ўйин. Ҳамдамов деярли бирга-бир вазиятга чиқиб борди. Зарба дарвозабон томонидан қайтарилди. Яхши қарши ҳужум.

• 40'
  

  ГОООООООООЛЛЛЛЛЛЛЛЛЛЛЛЛЛ!!! Ҳамдамов пенальтини аниқ амалга оширди. 

• 39'

  Ҳожимат Эркинов дарвозабон томонидан йиқитилди. Пенальти. Рақиб ҳимоячиларининг қўпол хатоси қимматга тушди. 

• 38'

  Ироқ ҳимоячиси тўпни майдонга чиқариб юборишни энг тинч йўл, деб ҳисоблади. Темурхўжа Абдуҳолиқов олдинга бошланганди. 

• 36'

  Ироқлик футболчи майдонга қайтди. У ўйинни давом эттира олади. 

• 35'
  

  Ироқ футболчиси жароҳат олган кўринади. Тиббий ёрдам кўрсатилмоқда. 

• 33'

  Қарама-қарши узун паслар фойда келтирмаяпти. 

• 31'

  Ўзбекистон тўпни назорат қилмоқда. 

• 29'

  Темурхўжа Абдуҳолиқов яхши позицияга чиқиб борганди. Аммо ўйиндан ташқари ҳолат қайд этилди. 

• 28'
  

  Ироқ бурчак зарбасини амалга оширди. Жарима майдончамиз ичидаги пала-партишлик сал қолса, хавфли зарбага сабаб бўларди. 

• 27'

  Ашурматов рақиб ҳужумини узиб қўйишга эришди. Аммо унинг ҳаракати ҳам дарвозамиз учун хавф келтирди. Яхшиямки, тўп дарвозамизга тушиб қолмади. 

• 25'

  Жарима майдонига узатилган тўпни ироқликлар осонлик билан қайтариб юборди. 

• 23'

  Яна марказий ҳимоямиз хатога йўл қўйган эди. Бахтимизга, рақиб ҳужумчиси ўйиндан ташқари ҳолатда экан. 

• 21'

  Ўйин ҳозирча майдон марказида кечмоқда. Ҳар икки жамоанинг ҳужумлари кескин кўриниш олмаяпти. 

• 19'

  Ғаниевнинг жаримадан тепган тўпи бирозгина ноаниқ кетди. 

• 18'

  Рақиб ўз жарима майдончаси яқинида тўпни қўли билан ўйнади. Стандарт вазиятга эгамиз. 

• 16'

  Ироқ прессинг эвазига тўпни кўп маротаба олиб қўймоқда. Жамоамизда паслардаги аниқлик даражаси у қадар юқори эмас. 

• 14'

  Тўп назорати вакилларимизда бўлиб турибди. 

• 13'
  

  Марказий ҳимоямиз, қарийб, хатога йўл қўйди. Хайриятки, офсайд бўлиб чиқди!

• 11'

  Ҳужумнинг иккинчи темпида жарима майдонига узатилган тўпни Ғаниев қайтаришга муваффақ бўлди. 

• 11'
  

  Бурчак зарбасини бартараф этишга эришдик. 

• 11'

  Қобилов Ироқ ҳужумчисига зарба бериш имконини бермади. Анча хавфли вазият юзага келтирди. Баракалла, Ислом!

• 9'

  Ҳужумларимиз ноаниқ паслар туфайли барбод бўлмоқда. 

• 8'

  Ироқ орқа чизиқда тўпни назорат қилмоқда. 

• 7'

  Йўлдошев ўнг қанотдан олдинга бориб, жарима майдони ичкарисига тўпни узатди. Темурхўжа Абдуҳолиқовнинг зарбаси дарвоза устидан ўтиб кетди. 

• 6'

  Иброҳим-Ҳалил Йўлдошев ҳужумни муваффақиятли ривожлантира олмади. Тўп олдирилди. 

• 5'

  Ироқ прессингда кучли ўйнамоқда. 

• 3'

  Қодирқулов жарима майдони ичида йиқилди. Аммо ҳакамнинг фикрича барчаси жойида. 

• 1'

  Илк ҳужум ироқликлар томонидан амалга оширилди. Аммо ҳимоячиларимиз тўпга биринчи бўлишди. 

• 1'
  

  Учрашувга старт берилди. 

• 0'

  Рақибларимиз ўйинни бошлаб берадиган бўлди. 

• 0'

  Жамоалар сўнгги руҳий тайёргарликни амалга оширмоқда. 

• 0'

  Миллий мадҳиямиз янграмоқда. 

• 0'

  Ассалому алайкум, қадрли футбол мухлислари. Ўзбекистон миллий терма жамоасининг бугунги ўйини Ироққа қарши кечади. Матнли трансляцияни Абдулвосид Валихонов эътиборингизга ҳавола этади.