Ўртоқлик учрашуви. Тошкентда КХДРни йирик ҳисобда енгдик

Ҳозиргина пойтахтимиздаги “Миллий” стадионда Ўзбекистон ва КХДР терма жамоалари ўртасида халқаро ўртоқлик учрашуви ўз якунига етди.

Голларга бой кечган ўйин 4:0 ҳисобида терма жамоамизнинг ғалабаси билан якунланди.

Ўзбекистон - КХДР 4:0

Голлар: О.Аҳмедов 28' (пен), Т.Абдуҳолиқов 63', И.Сергеев 68', Д.Турсунов 90'+1'

• 90+3'
  

  Ўйин якунланди. Ғалаба 4:0.

• 90+1'
  

  Гоооол!!! Достон Турсунов ҳисобни 4:0 га етказди.

• 90'
  

  Ҳакам ўйиннинг иккинчи бўлимига 3 дақиқа вақт қўшиб берди.

• 88'

  Эххх...Сергеев, Сергеев. Агар Игорнинг зарбаси аниқ бўлганида ҳисоб янада йириклашар эди. Футболчимиз қулай вазиятдан фойдалана олмади.

• 84'
  

  Ўйиндаги дастлабки гол муаллифи Одил Аҳмедов ўз ўрнини Сардор Мирзаевга бўшатиб берди.

• 83'
  

  Навбатдаги ўзгариш. Жалолиддин Машарипов ўрнига Қувондик Рўзиев майдонга туширилди.

• 79'

  Хуршид Ғиёсовнинг йўллаган зарбасидан сўнг ҳисоб 4:0 га етиши мумкин эди. Аммо, зарба бироз ноаниқ бўлди.

• 79'
  

  Рақиб терма жамоа сафида навбатдаги ўзгариш бўлди.

• 78'

  Терма жамоамиз яна гол уришни мақсад қилган кўринади. Ҳужумлар тобора хавфли кўриниш олмоқда.

• 77'

  Хавфли вазият!!! Одил Ҳамробековнинг узоқ масофадан йўллаган зарбаси анча хавфли кўриниш олди.

• 74'
  

  Таркибимизда навбатдаги ўзгариш юз берди. Бугун дебют қилган Достон Ибрагимов ўз ўрнини бошқа бир дебютант Хуршид Ғиёсовга бўшатиб берди.

• 72'

  Шимолий Корея терма жамоаси футболчилари жарима майдони яқинида жарима зарбаси тепишди. Аммо...ноаниқ.

• 68'
  

  Гооол!!! Сергеев раҳим ҳимоячисининг қўпол хатосидан унумли фойдаланди ва ҳисобни 3:0 кўринишига олиб келди.

• 66'
  

  Таркибимиздаги учинчи ўзгариш юз берди. Икром Алибоев ўрнига Остон Ўрунов ўйинга қўшилди.

• 65'
  

  Ўйиндаги иккинчи голга муаллифлик қилган Абдухолиқов ўрнига Игор Сергеев майдонга тушди.

• 63'
  

  Гоооол!!! Темурхўжа Абдухолиқов рақиб дарвозасини ишғол этди. Ҳисоб 2:0.

• 62'
  

  Шимолий таркибида дастлабки ўзгариш бўлди.

• 61'

  Терма жамоамиз рақиб жарима майдони томонида фаолликни оширмоқда.

• 60'

  Акрам Комиловнинг қанотдан оширган тўпини рақиб футболчиси бош билан майдон ташқарисига чиқариб юборди. Бурчак тўпи эса муваффақиятсиз якунланди.

• 57'

  Кореяликлар майдон марказида устунлик қилишмоқда.

• 55'

  Жалолиддин Машарипов рақибнинг хатосидан сўнг қарши ҳужумга ўтиб кетган эди. Аммо унинг қанотдан оширган тўпига ҳеч бир футболчимиз етиб келолмади.

• 53'

  Хавфли вазият!!! Кореялик футболчи узоқ масофадан кучли зарба йўллади. Қувватов эса зарбани қийинчилик билан қайтарди.

• 50'

  Жарима майдони яқинида Акром Комиловни рақиб футболчилари қўполлик эвазига тўхтатишди. Жаримадан оширилган тўпга эса Достон Турсунов ноаниқ зарба берди.

• 48'

  Кореяликлар иккинчи бўлимни анча фаол бошлашди.

• 45'
  

  Терма жамоамиз сафида илк ўзгариш бўлди. Ўнг қанот ҳимоясида ўйнаган Ҳожиакбар Алижонов ўрнига Даврон Ҳошимов туширилди.

• 45'
  

  Иккинчи бўлим бошланди.

• 45+2'
  

  Ҳакам биринчи бўлимга якун ясади. Ҳозирча футболчиларимиз 1:0 ҳисобида олдинда боришмоқда.

• 45'
  

  Ҳакам учрашувнинг биринчи бўлимига 2 дақиқа вақт қўшиб берди.

• 28'
  

  Одил Аҳмедов пенальтини аниқ амалга оширди ва терма жамоамизни ҳисобда олдинга олиб чиқди.

• 25'
  

  Ҳакам жарима майдони ичида Машариповни йиқитгани учун Шимолий кореялик футболчи  Ри Чанг Хога сариқ карточка кўрсатди ва пенальти белгилади.

• 10'

  Шимолий Корея терма жамоаси футболчилари нисбатан қўпол ўйин кўрсатишмоқда.

• 4'

  Ҳар иккала терма жамоа аъзолари эҳтиёткорлик билан ўйнашмоқда.

• 1'
  

  Туркманистонлик ҳакам учрашув бошлангани ҳақидаги ҳуштагини чалди.