Ўрунов мен ишлаган энг зўр ўйинчилардан!

“Уфа” бош директори Шамиль Газизов “Спартак” жамоасига тегишли бўлган Остон Ўрунов ҳақида фикр билдирди.

Газизов “Р-Спорт” нашрига берган интеврьюсида Ўрунов фаолияти давомида ўзи билан ишлаган энг зўр ўйинчилардан эканини таъкидлади. Бу мутахассис ҳеч қачон ўзбек футболчисининг истеъдодига шубҳа билан қарамаган.

Шамиль Газизов ўзбекистонлик футболчи “Спартак”да айрим сабабларга кўра ўйнаб кета олмаганини ҳам айтди.

- Остон қисқа фурсатда ўзининг энг яхши даражасига чиқа олишига ишонман, - деди Шамиль Газизов.

Маълумки, Шамиль Газизов Остон Ўруновни Россия премьер-лигасига олиб келган мутахассис ҳисобланади.

2020 йилнинг бошида Газизов бошчилигидаги “Уфа” ёш ярим ҳимоячимизни Тошкентнинг “Локомотив” жамоасидан трансфер қилди. Дастлабки ярим мавсумда илк маротаба легионер мақомида тўп тепган Ўрунов креатив ўйин услуби билан кўплаб жамоалар эътиборига тушди.

Шамиль Газизов 2020 йилнинг ёзида “Спартак” бош директори этиб тайинланди ва Остон Ўруновни ҳеч қайси жамоага бермасдан ўзи билан Москва клубига олиб кетди. Орадан кўп вақт ўтмай, Газизов “Спартак” хўжайини Леонид Федун билан келиша олмай қолгани оқибатида унинг ортидан келган Остон Ўруновнинг ҳам ишлари юришмай қолди.

Газизов “Уфа” бош директорлигига қайтди ва орада икки марта Ўруновни ижарага олиб ўйнатди. Остон анча қийинчиликларни бошдан ўтказди. Лекн ўтган мавсумнинг иккинчи ярмида аввалги формасини тиклаб, яна “Уфа”нинг асосий фигураларидан бирига айланди.

Бошқирдистон жамоаси премьер-лигани тарк этганидан кейин Остон Ўрунов ҳам 2025 йилнинг ёзигача тузилган шартнома асосида яна “Спартак” жамоасига қайтди.

Табиийки, “Спартак” уни асосий таркибга киритгани йўқ. Москваликлар Ўруновдан қутилмоқчию Яқинда легионеримизга Осиё клублари, хусусан, Жанубий Корея ва Эрондан қизиқиш бўлаётгани ҳақида маълумотлар тарқатилди. Шунингдек, “Навбаҳор” уни ўз сафига қўшиб олишга урингани ҳақида ҳам хабар берилди.

Ҳозирча, Остон Ўруновнинг келажаги мавҳумлигича қолмоқда. Футболчимизни олмоқчи бўлаётган клубларга унинг  маоши оғирлик қиляпти. Ўйинчининг ўзи маошини пасайтиришга кўнмаётган кўринади.

Остон Ўрунов “Пахтакор” жамоаси тарбияланувиси ҳисобланади. Бироқ, профессионал футболчи сифатида “Навбаҳор”да шаклланган. Шунингдек, пойтахтимизнинг “Локомотив” жамоасида ҳам тўп тепган.

21 ёшли футболчи бир неча позицияларда ўйнай олади. Фаолияти давомида жами 111 та учрашувда қатнашиб, рақиблар дарвозасига бешта гол урган ва жамоадошларига бешта голли  пас узатган.

Ўрунов 2019 йилдан бери Ўзбекистон миллий терма жамоаси аъзоси. Ўртада маълум муддат танаффусдан кейин у яна терма жамоага қайтарилди.

Ҳозирча, Остон мамлакатимиз бош жамоаси сафида етти маротаба майдонга тушиб, ўз ҳисобига битта гол ёздириб қўйган.

Шомуродовни қўлга кирита олмаган суперклуб “Рома”дан бошқа ҳужумчи олади!

Россия ва Беларусь клублари таклифига қарамаган легионеримиз премьер-лигага келганидан хурсанд

Премьер-лига клуби ўзбек футболчиси ёрдамида чемпион бўлмоқчи!

Легионеримизнинг Европа Чемпионлар лигасида гол урган ўйини энг юқори баҳоланди!

Тўпурар легионеримизда яхши янгилик бўлади!