Осиё Чемпионлар лигаси. Танташев ва унинг бригадаси бошқарадиган ўйин маълум

Саудия Арабистонида марказлашган ҳолда ўтаётган ОЧЛ гуруҳ босқичининг навбатдаги учрашувида ўзбекистонлик ҳакамлар фаолият олиб боришади.

Хусусан, 6-тур учрашувларидан ўрин олган «Ал-Жазира» — «Ал-Шабаб» жамоалари ўртасидаги баҳсни Ильгиз Танташев бошчилигидаги ҳакамлар бригадаси бошқариб боради. Унга ён чизиқларда ҳамюртларимиз Тимур Гайнулин ва Андрей Цапенколар ёрдам беради. Азиз Асимов эса захира ҳаками сифатида фаолият олиб боради.

Учрашув Тошкент вақти билан 27 апрель соат 01:45 да старт олади.

ЎФА матбуот хизмати.