Осиё кубоги. Азмун Эронга гуруҳ босқичида ёрдам бера олмаслиги мумкин

Эрон терма жамоаси Осиё кубоги гуруҳ босқичини Сардор Азмунсиз ўтказиш эҳтимоли юқори. Бу ҳақида "TasnimNews"нашри журналисти Ҳатам Ширализадеҳ маълум қилмоқда. 

Манбанинг такъидлашича, "Рома" билан тузилган шартномада футболчининг Осиё кубоги вақтида римликлар сафида қолиш банди бор ва агарда клуб уни қўйиб юбормаса, Азмун ушбу турнирга кела олмайди. 

"Рома"ни олдинда А Серия доирасида "Аталанта", "Милан" ва "Верона" клубларига қарши ўйинлар кутиб турибди. Мазкур учрашувларда Сардор "бўрилар"га ёрдам беришни истамоқда.

Азмун эндигина захирадан бўлсада, "Рома" таркибида майдонга тушишни бошлади. Ҳозиргача ҳужумчи 1 та гол уришга муваффақ бўлди.