Осиё кубоги U-23. Австралия ҳеч нарса қила олмади! Турнирнинг илк финалчиси номи маълум

23 ёшгача бўлган ёшлар ўртасида Осиё кубоги ярим финалидан ўрин олган Австралия - Саудия Арабистони учрашуви якунига етди. Унда номинал меҳмонлар 2:0 ҳисобида рақибидан устун келди. 

Дастлаб, 20-дақиқада Аҳмад Эйса ҳисобни очди. 72-дақиқа ўтиб бораётган бир пайтда Айман Яхё орадаги фарқни иккитага етказиб қўйди. 

Шу тариқа, саудияликлар юртимиз мезбонлик қилаётган Осиё кубоги финал йўлланмасини қўлга киритди. 

Маълумот учун, мазкур беллашувда "яшил қитъа вакиллари" дарвоза томон битта аниқ зарба йўллади. Шунингдек, тўп назорати ва бошқа кўрсаткичларда ҳам арабистонликлар устунлик қилди.