Осиё кубоги U-23. Ўзбекистон - Саудия Арабистони: Ўзи финал қачон?

Биласиз, 23 ёшгача бўлган ёшлар ўртасида Осиё кубогига юртимиз мезбонлик қилмоқда. 

Кеча ярим финалдан ўрин олган иккита учрашув бўлиб ўтди. Дастлаб, саудияликлар Австралияга қарши майдонга чиқиб, 2:0 ҳисобида рақибдан устун келди ва финал йўлланмасини қўлга киритди. 

Иккинчи учрашувда Ўзбекистон Японияни 2:0 ҳисобида мағлуб этиб, иккинчи финал йўлланмасига эга чиқди. 

Шу тариқа, Ўзбекистон ҳамда Саудия Арабистони финалда ўзаро куч синашади. Ўйин 19 июнь куни 18:00да старт олади. Финалга "Миллий" стадиони мезбонлик қилади.