Осиё ўйинлари-2026. Ўзбекистон аёллар терма жамоаси чорак финалга йўл олди

Японияда ўтаётган Осиё ўйинлари доирасида Ўзбекистон аёллар футбол терма жамоаси чорак финалга йўл олди.

Вакилларимиз гуруҳ босқичининг сўнгги турида Гонконгга қарши майдонга тушиб, муҳим ғалабани қўлга киритди — 2:1. Жамоамиз сафида Диёрахон Ҳабибуллаева ва Мафтуна Шойимова гол урди.

Шу тариқа, футболчиларимиз “G” гуруҳида 5 очко тўплаб, 2-ўринни эгаллади.

Маълумот учун, Котрина Кулбите шогирдлари кейинги босқичда Жанубий Кореяга қарши майдонга тушади.