Осиё ўйинлари. Боксчимиз Нигина Ўктамова филиппинлик рақибасига имкон қолдирмасдан кейинги босқичга чиқди (фотогалерея)

Осиё ўйинларидан ўрин олган бокс баҳсларининг 1-кунги дастуридан ўрин олган юртдошимиз Нигина Ўктамованинг жанги бўлиб ўтди.

-54 кг вазнда юртимиз шарафини ҳимоя қилаётган вакиламиз филиппинлик Ириш Магнога қарши рингга кўтарилди. Муросасиз кечган жангда Ўктамова ишончли тарзда ҳаракат қилиб, ҳақли тарзда 5:0 ҳисобида ғалабани қўлга киритди. Шу тариқа вакиламиз Осиё ўйинларидаги илк жангини ғалаба билан бошлади ва кейинги босқичга йўл олди.  

Қуйида ушбу жараёндан қайноқ фотогалереяни томоша қилинг!