Осиё ўйинлари: Руслан Абдуллаев кутилмаганда имкониятни бой бериб қўйди

Осиё ўйинларининг бугунги кун дастуридан ўрин олган бокс баҳслари ҳам давом этмоқда. Хабар берганимиздек, бугун уч нафар боксчимиз ўз жангларини ўтказар эди ва уларнинг иккиси Сабина Бобоқулова ҳамда Лазизбек Муллажонов чиройли ғалабалари билан барчамизни хурсанд қилди.

Ва ниҳоят 3-вакилимиз 63, 5 кг вазн тоифасида юртимиз шарафини ҳимоя қилаётган, жаҳон чемпиони Руслан Абдуллаев ҳам мўғулистонлик Чинзориг батарсухга қарши рингга кўтарилди. Жанг том маънода қизиқарли кечди ва муросасиз ўтган баҳсда ҳамюртимиздан омад юз ўгирди. 5:0 ҳисобида имкониятни бой бериб қўйди.