Осиёда яна бир чемпионат тикланади

Коронавирус пандемияси туфайли март ойи ўрталарида тўхтатиб қўйилган Австралия чемпионати 16 июлда тикланади. Бу ҳақда мамлакат футбол федерацияси матбуот хизмати хабар тарқатмоқда.

Австралия профессионал футбол клублари ассоциацияси ҳамда мамлакат профессионал футболчилар ташкилоти жорий мавсумни 31 августгача узайтиришга келишиб олган.

Чемпионат ўйинлари мухлислар билан давом эттирилиши мумкин, аммо клубларга стадион сиғимининг маълум бир фоизи миқдорида ишқибозларни киритишга рухсат берилади.