От спорти. Мустақиллик кубогида ғолиб ва совриндорлар аниқланди

“Универсал Жумпинг Агро” от спорти клубида поло бўйича Ўзбекистон Республикаси Мустақиллиги кубоги бўлиб ўтди.

Ҳар йили мунтазам ўтказилаётган бу галги мусобақада 7 жамоа ғолиблик учун баҳс олиб борди. 2 кун давом этган беллашувларда Чегара қўшинлари ва Миллий гвардиянинг Тошкент вилояти бошқармаси жамоалари финалгача етиб келди.

Муросасиз руҳда кечган ўйин 6:3 ҳисобида чегарачиларнинг ғалабаси билан якунланди. Қайд этиш жоиз, ўтган йилги турнирда ҳам Чегара қўшинлари жамоаси муваффақият қозонган эди.

МОҚ матбуот хизмати