Ўткир Юсуповнинг операцияси муваффақиятли ўтказилди

Ўзбекистон миллий терма жамоаси дарвозабони Ўткир Юсупов Австрияда тиззасида ўтказилган жарроҳлик амалиётини муваффақиятли тарзда якунлади.

Бугун футболчимиз даволаниш олиб борилган клиникадан чиқади ва реабилитация жараёнини “Армониа” номли махсус тиббий марказда давом эттиради. Тикланиш жараёни малакали мутахассислар назорати остида амалга оширилади.

Ўткир Юсупов тез орада тўлиқ соғайиб, яна майдонга қайтишини тилаб қоламиз.