Ўхшашликни қаранг! “Барселона” аёллар жамоаси Ла Лига чемпиони, кучли тўртлик ҳам худди эркакларники каби

Испания Ла Лигаси 2024-2025 йилги мавсумида аёллар ўртасида "Барселона" клуби яна бир бор ўз устунлигини намоён этди. 
 
Каталонияликлар 81 очко тўплаб, чемпионликни қўлга киритди. Иккинчи ўринни 74 балл билан "Реал Мадрид" эгаллаган бўлса, Мадриднинг бошқа бир клуби "Атлетико" 55 очко билан кучли учликни якунлади. 4-ўринга эса 51 очко билан "Атлетик Билбао" жойлашди. 
 
Айни пайтда, эркаклар ўртасида ҳам сўнгги 3 та тур қолганда худди шундай ҳолат кузатилмоқда. Ханс-Дитер Фликнинг "Барселона"си 82 очко билан пешқадамлик қилаётган бўлса, Карло Анчелотти бошчилигидаги "Реал Мадрид" 75 очко билан уни таъқиб қилмоқда. "Атлетико Мадрид" эса 70 балл билан 3-поғонани банд қилиб турибди. Европа лигасининг ярим финалчиси ҳисобланган "Атлетик" эса 64 очко билан кучли тўртликни якунлади. 
 
Эслатиб ўтамиз, эркаклар ўртасидаги сўнгги тур беллашувлари 25 май кунлари бўлиб ўтиши режалаштирилган.