Ой охиригача "Рома"нинг хўжайини ўзгаради

"Рома" клубининг сотилиши бўйича олиб борилаётган музокаралар якуний босқичда турибди. Бу ҳақда Football Italia нашри маълум қилди.

Юқоридаги манбага кўра, 31 августга қадар “бўрилар”да хўжайин алмашади. Ҳозирда “Рома”нинг акция пакетига америкалик миллиардер Жеймс Паллотта эгалик қилмоқда. У ушбу акцияларни ҳамюрти Дэн Фридкинга сотиб юборишга тайёр. Ушбу келишув 500-600 миллион евро атрофида амалга ошиши кутилмоқда.

Эслатиб ўтамиз, "Рома" ўтган мавсум А Серияни 5-ўринда якунлади ва янги мавсумда Европа лигасида иштирок этиш ҳуқуқини қўлга киритди.