Ўйиннинг энг яхши футболчиси бўлган Акмал Мозговой ғалаба ҳақида нималар деди?

Хабарингиз бор, Ўзбекистон Суперкубогида "Насаф" финалда "Андижон" билан тўқнаш келиб, пенальтидан урилган гол эвазига1:0 ҳисобида муваффақиятга эришди. Ушбу беллашувдан сўнг ўйиннинг энг яхши футболчиси бўлган Акмал Мозговой матбуот анжуманида ўз фикрлари билан ўртоқлашди. 
 
"Авваламбор Ассалому Алейкум, "Насаф" мухлисларини кубок билан табриклайман. Ўйин давомида ёмғир ҳам, атмосфера ҳам ажойиб ўтди". 
 
Бу мавсумда жамоа таянч ярим ҳимоясида фақатгина бир ўзингиз ўйнамоқдасиз. Шунга қандай қарайсиз? 
 
"Бу ерда ҳеч қандай муаммо йўқ. Биз асосийси жамоавий бўлиб ҳаракат қилмоқдамиз". 
 
Сизни келаси мавсум ҳам "Насаф" сафида кўрамизми? 
 
"Худо Хоҳласа" - дея ўз фикрлари билан ўртоқлашди миллий терма жамоамиз аъзоси. 
 
Эслатиб ўтамиз, Мозговой 5 ва 10 июнь кунлари Ўзбекистон миллий терма жамоаси билан бирга, БАА ва Қатарга қарши учрашувларда иштирок этади.