"Ўзбек Канело"си узоқ танаффусдан сўнг яна рингга қайтди! (Видео)

Кеча Дубай шаҳрида ўзига хос профессионал бокс кечаси ташкил этилди. Биз учун аҳамиятли жиҳати, ушбу жанг оқшомида ўзи вақтида "Ўзбек Канело"си дея эътироф этилган, Ҳусниддин Пўлатов (15-3,9KO) ҳам рингга кўтарилди.

У Африка қитъаси вакилига қарши жанг қилди. 8 раундга мўлжалланган жанг 2 -раундда ўз якунига етди. Ҳар икки раундда ҳамюртимиз тўлиқ устунликка эришиб, анчагина талофат етказганидан сўнг, рақиб 3-раундга чиқишдан бош тортди. Шу тариқа узоқ танаффусдан сўнг юртдошимиз қайтишни муваффақиятли бошлади.

Эслатиб ўтамиз, Ҳусниддин Пўлатов ўзи вақтида -63,5 ва -66 кг вазнда WBA Asia чемпионлик камарини қўлга киритган.