Ўзбекистон - Саудия Арабистони учрашувини ким шарҳлаши маълум

Хабарингиз бор, бугун Ўзбекистон миллий терма жамоаси ЖЧ-2022 иккинчи саралаш босқичидан ўрин олган Саудия Арабистонига қарши ўйин ўтказади.

Ушбу ўйин "Спорт" телеканалида жонли эфирда намойиш этилади. Учрашув шарҳловчиси овоз бериш жараёни орқали аниқланди.

SPORTS.uz сайтига маълум бўлишича, Мурод Ризаев энг кўп овоз тўплади (1104) ва бугунги беллашувни шарҳлайдиган бўлди.

Ундан кейин Бобур Акмалов 888, Фарруҳ Расулов 52 та овоз тўплашган. 

Эслатиб ўтамиз, ушбу ўйин 17:00да бошланди.