Ўзбекистон афсоналарига қарши ўйнайдиган Италия таркиби маълум!
Ўзбекистон футбол ассоциацияси, BMB Trade Group компанияси, Тошкент шаҳар ҳокимлиги ҳамда “Hilton” меҳмонхонаси ўзбек футболининг 110 йиллигига бағишлаб мухлислар учун ажойиб совға тайёрламоқда.
Узоқ йиллар давомида юртимиз шарафини муносиб ҳимоя қилган футболимиз афсоналари миллий терма жамоа билан хайрлашув учрашувини ўтказадилар. Шу муносабат билан мамлакатимизга Италия футболи афсоналаридан иборат жамоа ташриф буюради.
Бугун УФАда ўтказилган матбуот анжуманида мазкур ўйинга ташриф буюрадиган меҳмонлар рўйхати эълон қилинди. Унга кўра, Кристиан Аббиати, Дарио Шимич, Лука Антонини, Кристиан Заккардо, Кристиан Зенони, Эдуардо, Алдаир, Венсан Кандела, Луижи ди Бяджо, Анжело Карбоне, Марек Янкуловский, Сержиньо, Людовик Жюли, Робсон Толедо, Альберто Жилардиньо, Даниэле Массаро, Винченцо Яквинта каби юлдузлар Тошкентда майдонга тушади.
Медиа-тадбирлар 17 май куни “Бунёдкор” стадионида, жамоалар ўртасидаги ўйин 18 май куни “Пахтакор” стадионида ўтказилиши режалаштирилмоқда.
Фикрлар