Ўзбекистон аёллар терма жамоаси Мьянмани мағлуб этди

Ўзбекистон аёллар миллий терма жамоаси 29 май куни ўқув-машғулот йиғинига киришган эди.

Жамоамиз 30 майдан 9 июнга қадар Мьянманинг Янгон шаҳрида машғулотлар олиб боради. Йиғин доирасида футболчиларимиз Мьянмага қарши ўртоқлик учрашувида майдонга тушди.

Мазкур баҳсда вакилаларимиз кичик 1:0 ҳисобида ғалаба қозонди. Ягона голга Нилуфар Қудратова муаллифлик қилди.

Маълумот учун, Котрина Кулбит шогирдлари навбатдаги назорат учрашувида Таиланд терма жамоасига қарши куч синашади.