Ўзбекистон аёллар терма жамоаси қўшниларимизни аяб ўтирмади

Аёллар ўртасида "CAFA women's championship-2022" турниридан ўрин олган Ўзбекистон - Қирғиз Республикаси учрашуви якунига етди. Унда вакилларимиз 7:0 ҳисобида рақибдан устун келди. 

Вакилларимиз таркибида Нилуфар Қудратова дубль муаллифига айланди. Шунингдек, Зиёда Ирисбоева, Мадина Ҳикматова, Диёра Ҳабибуллаева ҳамда Зарина Маматкаримова биттадан гол уришга муваффақ бўлди. Бундан ташқари, Қирғиз Республикаси аъзоси Дилнура Абдулла қизи ўз дарвозаси ишғол этиб қўйди.