O‘zbekiston Braziliya, Kolumbiya, Argentina uddalay olmagan ishni qildi

O‘zbekiston ayollar terma jamoasi AQSh termasiga qarshi o‘rtoqlik uchrashuvida maydonga tushib, yirik 1:9 hisobida mag‘lub bo‘ldi.

Vakillarimizdan yagona golni Aziza Norboeva o‘z nomiga yozdirib qo‘ydi. 

"Opta" nashrining yozishicha, AQSh ayollar termasi o‘z maydonida 2 yildan buyon gol o‘tkazmay kelayotgandi.  Aniqrog‘i, 27 soatlik o‘yin vaqtidan buyon okean ortida amerikaliklar darvozasini hech kim ishg‘ol qila olmagan. Norboeva esa ushbu an’anani buzishga erishdi.

Ma’lumot uchun, AQSh ikki yil ichida Braziliya, Argentina, Kolumbiya, Kanada, Meksika va Janubiy Koreya singari kuchli termalarga qarshi o‘ynagan.