Ўзбекистон чемпионати. "Баҳодир Жалолов" спорт мактаби умумжамоа ҳисобида биринчи ўринни эгаллади

Хабарингиз бор, Олимпия шаҳарчасининг "Яккакурашлар" аренаси кичик ўсмирлар  (ўғил болалар) ўртасидаги мамлакат чемпионатига мезбонлик қилаётган эди. 

Қарийб, бир ҳафта давом этган мамлакат биринчилиги ўз якунига етди. 

Якунда, 4 та олтин, 4 та кумуш ва 1 та бронза медалини қўлга киритган Баҳодир Жалолов номидаги боксга ихтисослаштирилган спорт мактаби жамоаси 1-ўринни қўлга киритиб, чемпионатнинг “Энг яхши жамоаси”га айланди. 3 та олтин, 2 кумуш ва 2 та бронза медал билан Тошкент вилояти 2-ўриндан жой олган бўлса, 2 та  олтин, 1 та кумуш, 5 та бронза медали билан Андижон вилояти жамоаси кучли учликни якунлаб берди.

Анъанага мувофиқ чемпионатнинг “Энг яхши боксчиси” ҳам аниқланди ва бу номинация Фаёзбек Норалиевга насиб этди. Чемпионатнинг “Энг яхши ҳаками” дея Феруза Сулаймонова эътироф этилди. Бу ҳақда Ўзбекистон бокс федерацияси хабар бермоқда.