Ўзбекистон чемпионати кубоги қайси стадионга боради? Олтин медаллар-чи?

Суперлиганинг 2022-йилги мавсумдаги чемпиони номи 12-ноябр куни бўлиб ўтадиган сўнгги — 26-турда аниқ бўлади. Айни вақтда “Пахтакор”, “Навбаҳор” ва “Насаф” клублари олтин медаллар учун кураш олиб боряпти.

Мусобақанинг махсус чемпионлик кубоги кимга насиб қилиши маълум бўлмаса-да, даъвогар жамоалар уни ўз мухлислари кўз ўнгида кўтаришни истайди. Шундан келиб чиқиб, Ўзбекистон Профессионал футбол лигаси ҳар уч беллашув бўлиб ўтадиган стадионга кубок билан боради. Якунда ғолиб жамоа кубокни ўз мухлислари кўз ўнгида нишонлаши учун шароит яратиб берилади.

Олтин медаллар масаласида эса вазият бироз чигал. Чемпионлик учун даъвогар 2 та клуб Тошкентда тўп суриши ва нисбатан кўпроқ очко Тошкентда ўйнайдиган жамоада эканидан келиб чиқиб, олтин медаллар пойтахтда қолдирилади. Чемпионлик Наманган клубига насиб қилса, совринлар алоҳида етказиб берилади. Олтинларга Тошкентда тўп сурадиган икки клубдан бири эга чиқса, у ҳолда кубокдан олдин жамоа аъзоларига медаллар топширилади.