Ўзбекистон Coca-Cola Кубоги. "Ғиждувон"га қарши ўйин олдидан "Қўқон-1912"да жиддий йўқотиш

"Қўқон-1912" жамоаси Ўзбекистон Кубоги доирасидаги "Ғиждувон" жамоасига қарши ўйинга Тошкент шаҳрида тайёргарлик олиб борди.

Клуб матбуот хизматининг ёзишича, футболчилар Тошкентдаги "Тўқимачи" стадионида ўз машғулотларини ўтказдилар. Машғулотларда жамоа сардори Мурод  Холмуҳаммедов жароҳати боис иштирок этмаяпти.

Жамоамизнинг аҳил оиласи номидан сардоримизга тезроқ жароҳатидан қутулиб сафимизга қайтишини тилаб қоламиз, - дейилади хабарда.

"Шунқорлар" эртага тонгда Бухоро томон йўлга чиқадилар. Бухоро вилоятининг "Ғиждувон" жамоаси билан ўтказиладиган ўйин, эртага Муборакдаги "Баҳром Вафоев" номли стадионда бўлиб ўтади.