Ўзбекистон кубоги. Бугун "Навбаҳор" "чақилмас ёнқоқ"қа қарши майдонга тушади

Бугун Ўзбекистон кубоги 1/8 финал босқичидан ўрин олган бир ўйин ўтказилади ва унда "Арал" ўз майдонида "Навбаҳор"ни қабул қилади.

Нукус шаҳридаги футбол маҳорат мактаби майдони мезбонлик қиладиган беллашув Тошкент вақти билан соат 17:30да старт олиши режалаштирилган. Нукусликлар кубок гуруҳ босқичида худди шу ўйингоҳда "Пахтакор"ни мағлуб этишнинг уддасидан чиққанди.

Маълумот учун, мазкур қарама-қаршилик ғолиби чорак финалда "Бунёдкор" - "Сурхон" ўйинида зафар қучган клубга қарши баҳс олиб боради. Учрашув 3 сентябрь санасига белгиланган.