Ўзбекистон Кубоги. "Бунёдкор" - "Локомотив" ўйини бошқа санада ва бошқа стадионда ўтади

Хабарингиз бор, айни кунларда «Бунёдкор» стадиони чимини янгилаш устида иш олиб борилмоқда. Шу боисдан «Бунёдкор» жамоаси ўз уй учрашувларини бошқа ўйингоҳда ўтказиши лозим.

Ўзбекистон кубоги 1/8 финал босқичи доирасидаги «Бунёдкор» — «Локомотив» учрашуви мезбон клубнинг ЎзПФЛга тақдим этган хатига асосан, Олмалиқ шаҳрида ўтказиладиган бўлди.

Буни инобатга олган ҳолда Ўзбекистон кубогининг 1/8 финалидан жой олган мазкур учрашув аввалдан белгиланганидек 22 август куни эмас, балки 21 август санасида бўлиб ўтади. Сабаби Олмалиқдаги стадион 23 августда «Сурхон» — «Насаф» учрашувини ҳам қабул қилиши керак.

«Бунёдкор» — «Локомотив» ўйини 21 август, якшанба куни Олмалиқдаги «ОКМК» спорт мажмуасида соат 19:00 да бошланади. 

ЎзПФЛ матбуот хизмати.