Ўзбекистон Кубоги "D" гуруҳига йўл олган жамоа номи аниқланди

Бугун Тошкентдаги "Чиғатой" стадионида Ўзбекистон Кубоги 3-саралашидан ўрин олган "Қумқўрғон-1977" - "Дўстлик Олтиариқ" баҳси ўтказилди.

Беллашувда "Дўстлик" 3:0 ҳисобида ғалаба қозонди. Учрашувда голларга Зарбилло Умаров, Мўйдин Мамазулунов ва Мусобек Музаффаров муаллифлик қилди.

Шу тариқа, "Дўстлик" Ўзбекистон Кубоги гуруҳ босқичига йўл олди. Жамоа "D" гуруҳидан ўрин эгаллайди. Ушбу гуруҳда "Қўқон-1912", "Ғиждувон" ва "Машъал" жамоалари бор.