Ўзбекистон миллий терма жамоаси ЖЧ саралашларидаги 50-ғалабасида 5:0 ҳисобида зафар қучди

Ўзбекистон миллий терма жамоаси ЖЧ-2022 иккинчи саралаш босқичи 3-турида Яманни қабул қилди ва йирик 5:0 ҳисобида зафар қучди. Эътиборлиси, ушба натижа Ўзбекистон футболи тарихига кирди.

Вадим Абрамовнинг Ўзбекистон МТЖдаги ғалаба ва мағлубиятлари сони тенглашди. Статистика

Қизиғи шундаки, вакилларимиз мундиал саралашидаги илк ғалабасини ҳам айнан Яманни таслим этиш орқали қўлга киритганди. Ўшанда ҳамюртларимиз рақиб дарвозасини бир марта ишғол этишганди - 1:0.

Шундан бери жаҳон чемпионатининг 7 та саралаш ва ҳозирги баҳсларни қўшганда Ўзбекистон миллий терма жамоаси 96-ўйинини ўтказди ва 50-ғалабасига эришди. 50-ғалабада 5:0 ҳисоби қайд этилди.

Ўзбекистон миллий терма жамоасининг жаҳон чемпионати саралашларидаги натижалари:

96 ўйин

50 ғалаба

19 дуранг

27 мағлубият

Тўплар фарқи: 182-97 вакилларимиз фойдасига.