Вадим Абрамовнинг Ўзбекистон МТЖдаги ғалаба ва мағлубиятлари сони тенглашди. Статистика
Ads

Ўзбекистон миллий терма жамоаси тошкентда ЖЧ-2022 иккинчи саралаш босқичи 3-туридан ўрин олган Яманга қарши учрашувда майдонга тушди. Учрашувда тўлиқ устунликка эришган ҳамюртларимиз рақиб дарвозасига жавобсиз 5 та гол уришди. Вадим Абрамов терма жамоага қайтишини чиройли ўйин ва эсда қоларли ғалаба билан бошлади.

Эътиборлиси, шу пайтга қадар Вадим Абрамов расмий ва ўртоқлик учрашувларда Ўзбекистон миллий терма жамоасининг 28 ўйинида мураббийлик қилган. Беллашувларда 11 ғалаба, 5 дуранг ва 12 мағлубият қайд этганди.

Яманга қарши баҳс эса Абрамовнинг терма жамоадаги 29-учрашувига айланди ва мураббий ғалабалар сонини мағлубиятлар сонига тенглаштирди 12га 12. Тўплар фарқи эса ҳозирги кунда 43-41, вакилларимиз фойдасига.

Ўйлаймизки, ушбу ғалабаларимиз бардавом бўлиб, Вадим Абрамовнинг статистикаси бунданда яхшилади.