Ўзбекистон миллий терма жамоасини бошқарган илк хорижлик мураббий 66 ёшида вафот этди

Ўзбекистон миллий терма жамоасининг биринчи хорижлик бош мураббийи Вейга да Силва 66 ёшида вафот этди.

Айтиш керакки, бразилиялик мутахассис 1997 йилнинг октябрь ойида терма жамоани қабул қилиб олган ва унинг дебют ўйинида Қозоғистон 4: 0 ҳисобида таслим этилган эди.

Да Силва Ўзбекистон МТЖ бош мураббийи сифатида жами 9 учрашувда (4 ғалаба, 3 дуранг ва 2 мағлубият) иштирок этган. Аниқроғи, 1998 йилги Жаҳон чемпионати саралаш турнирида 2 та ўйин, 1998 йилги Осиё ўйинларида эса 6 та ўйин ўтказган. Айнан да Силванинг иши пайтида терма жамоамиз Мўғулистон устидан 15:0 ҳисобида ғалаба қозонган ва бу терма жамоамиз тарихидаги энг йирик ғалаба сифатида қолмоқда.