O‘zbekiston milliy terma jamoasini boshqargan ilk xorijlik murabbiy 66 yoshida vafot etdi

O‘zbekiston milliy terma jamoasining birinchi xorijlik bosh murabbiyi Veyga da Silva 66 yoshida vafot etdi.

Aytish kerakki, braziliyalik mutaxassis 1997 yilning oktyabr oyida terma jamoani qabul qilib olgan va uning debyut o‘yinida Qozog‘iston 4: 0 hisobida taslim etilgan edi.

Da Silva O‘zbekiston MTJ bosh murabbiyi sifatida jami 9 uchrashuvda (4 g‘alaba, 3 durang va 2 mag‘lubiyat) ishtirok etgan. Aniqrog‘i, 1998 yilgi Jahon chempionati saralash turnirida 2 ta o‘yin, 1998 yilgi Osiyo o‘yinlarida esa 6 ta o‘yin o‘tkazgan. Aynan da Silvaning ishi paytida terma jamoamiz Mo‘g‘uliston ustidan 15:0 hisobida g‘alaba qozongan va bu terma jamoamiz tarixidagi eng yirik g‘alaba sifatida qolmoqda.