Ўзбекистон миллий терма жамоасининг ЖЧ саралашидан ўрин олган Яманга қарши ўйини қолдирилиши мумкин

Жаҳон чемпионати-2022 саралаши иккинчи босқичи “D” гуруҳида 5 та учрашувдан сўнг 9 очко жамғарган ҳолда мусобақа жадвалининг 1-поғонасини эгаллаб турган Ўзбекистон миллий терма жамоаси 2020 йилда 3 та жуда муҳим ўйин ўтказишидан хабарингиз бор.

Навбатдаги учрашувда Вадим Абрамов шогирдлари 31 март куни Яман меҳмони бўлади. Аммо тасдиқланмаган хабарларга кўра, ушбу беллашув коронавирус сабабли бошқа муддатга қолдирилиши мумкин.

Эслатиб ўтамиз, олдинроқ ОЧЛ доирасида Саудия Арабистонида ўтиши керак бўлган "Ал Ҳилол" - "Пахтакор", Тошкентга кўчирилган "Сепахон" - "Ал Наср" учрашувилари коронавирус туфайли қолдирилганди.

Шунингдек, Европа ва Осиё чемпионатларидаги бир нечта беллашувлар ҳам бошқа санага кўчирилган. ОФК яқин кунлар ичида бу борада қарор чиқариши кутилмоқда.

Матнда хатолик топсангиз, ўша хатони белгилаб, бизга жўнатинг (Ctrl + Enter)