Ўзбекистон МТЖ илк ўртоқлик учрашувида ғалаба қозонди

Ўзбекистон миллий терма жамоаси Дубай шаҳрида ўқув-машғулот йиғинини ўтказмоқда.

Сречко Катанец шогирдлари мазкур йиғин доирасидаги дастлабки назорат учрашувида майдонга тушди. Мезбон "Ал-Ваҳда" клубига қарши кечган баҳсда вакилларимиз 1:0 ҳисобида зафар қучди. Ягона гол 90-дақиқада Азиз Амонов томонидан, пенальтидан киритилди.

Энди вакилларимиз навбатдаги ўртоқлик ўйинини 27 январь куни Баҳрайнга қарши ўтказади.