Ўзбекистон Республикаси Президентининг тегишли Фармонига асосан, шахмат бўйича Бутунжаҳон олимпиадаси ғолиблари давлат мукофотлари билан тақдирланди!

Ўзбекистон Республикаси Президенти "Бутунжаҳон 44-шахмат олимпиадаси ғолиблари ва иштирокчиларини мукофотлаш тўғрисида"ги Фармонни имзолади.

Унга кўра, Нодирбек Абдусатторов, Жаҳонгир Воҳидов, Шамсиддин Вохидов, Жавоҳир Синдаров  Санжарбекович ҳамда Нодирбек Якуббоев «Ўзбекистон ифтихори» фахрий унвони билан, мураббийлар Владимир Егин ҳамда Иван Соколов эса «Ўзбекистон Республикасида хизмат кўрсатган спорт устози» фахрий унвони билан мукофотланди.

Бундан ташқари, аёллар терма жамоамиз аъзолари Мафтуна Бобомуродова, Маржона Маликова, Умида Омонова, Афруза Ҳамдамова ҳамда Нилуфар Якуббоевалар «Келажак бунёдкори» медали билан мукофотланди.