Ўзбекистон шахмат терма жамоаси жаҳон чемпионатида иштирок этиш учун жўнаб кетди. Нодирбек Абдусатторов таркибда йўқ...

Жорий йилнинг 19-26 ноябрь кунлари Исроил давлатида FIDE жамоалар ўртасидаги жаҳон чемпионати бўлиб ўтади. Унда иштирок этувчи Ўзбекистон терма жамоаси GM Нодирбек Яккуббоев, GM Жавоҳир Синдаров, GM Шамсиддин Воҳидов, GM Жаҳонгир Воҳидов, IM Ортиқ Нигматов ва IM Абдималик Абдисалимовдан иборат таркиб билан жўнаб кетди. 

Мазкур чемпионатда жами 12 та жамоа икки гуруҳга бўлинган ҳолда баҳсларга киришади. Иштирокчи давлатлар: Хитой, Франция, Нидерландия, Жанубий Африка Республикаси, Испания, Украина, Ўзбекистон, Озарбайжон, Ҳиндистон, Исроил, АҚШ ва Польша. Чемпионат давра тизимида, жамоалар учун 5 та турда ўтказилади.

Анчагина номдор шахматчимиз, GM Нодирбек Абдусатторов бошқа бир нуфузли турнирда иштирок этиши сабабли таркибдан ўрин олмаган.

IMG_20221119_230116_184

Фикрлар

Фикр қолдириш учун авторизациядан ўтинг!