Ўзбекистон терма жамоаси Африканинг икки карра чемпионини йирик ҳисобда мағлуб этди

Бугун футзал бўйича Ўзбекистон миллий терма жамоаси Таиланддаги “Continental” халқаро турнирининг 3-ўрни учун ташкил этилган баҳсда Африка қитъасининг икки карра чемпиони - Миср терма жамоасига қарши баҳс олиб борди.

Қизиқарли кечган учрашув 4:0 ҳисобида вакилларимизнинг ғалабаси билан якунланди. Шу куни терма жамоамиз сафида голларни Анасхон Раҳматов (21', 40'), Ихтиёр Ропиев (25') ва Акбар Усмонов (26') киритди.

“Continental” халқаро турнири

3-ўрин учун баҳс

Ўзбекистон - Миср 4:0

Голлар: Анасхон Раҳматов 21', 40', Ихтиёр Ропиев 25', Акбар Усмонов 26',