Ўзбекистон терма жамоаси Нидерландия ўйини олдидан қаттиқ текширувдан ўтди

Ўзбекистон миллий терма жамоаси Нидерландияга қарши ўртоқлик учрашуви олдидан Нью-Йоркда кучайтирилган хавфсизлик текширувидан ўтди.

Бу ҳақда ESPN журналисти Луис Карлос Ларго хабар берди.

Унинг маълум қилишича, футболчилар ва делегация аъзолари стадионга етиб келганида полиция томонидан хизмат итлари ва металлодетекторлар ёрдамида текширилган.

Мазкур жараён акс этган видеолар ижтимоий тармоқларда кенг муҳокама қилинди ва хавфсизлик чораларининг қаттиқлиги кўпчиликнинг эътиборини тортди.

Эслатиб ўтамиз, Фабио Каннаваро шогирдлари мазкур баҳсда Нидерландияга 2:1 ҳисобида мағлуб бўлди.