Ўзбекистон U23 терма жамоаси Францияга етиб борди (фото)

Ўзбекистон олимпия терма жамоаси Франция пойтахти Париж шахрига етиб борди. Бу хақда Ўзбекистон футбол ассосиацияси матбуот хизмати хабар бермоқда

Бу ердан терма жамоамиз Ницца шаҳрига йўл олади ва Париж-2024 олимпиада ўйинларига тайёргарликнинг сўнги босқичини олиб боради. Унинг доирасида вакилларимиз 15 июл куни Африка қитъаси вакили гвинеялик тенгдошларига қарши майдонга чиқади. 

Орадан уч кун ўтиб, 18 июл санасида Ницца шаҳрида Янги Зеландия билан баҳс олиб боради. Мазкур ўйинлардан кейин терма жамоамиз яна Франция пойтахтига қайтиб келади ва Олимпиаданинг дастлабки тури доирасида Испанияга қарши бахсга тайёргарликни бошлайди. 

Биз мазкур беллашувларда Темур Кападзе бошчилигидаги олимпия терма жамоамизга омад ва зафарлар ёр бўлишини тилаб қоламиз.