Ўзбекистонлик ҳакамлар Осиё кубогида ишлайди!

Ўзбекистонлик ҳакамлар U-17 Осиё кубоги ўйинида фаолият олиб боради. 
 
Хабарингиз бор, 5-22-май кунлари Саудия Арабистонида U-17 Осиё кубоги бўлиб ўтади. Ушбу мусобақанинг илк туридан ўрин олган Саудия Арабистони ва Мянма жамоалари ўртасидаги баҳсни Акобирхўжа Шукуруллаев бошчилигидаги ҳакамлар жамоаси бошқариб боради. 
 
Акобирхўжа Шукуруллаев бош ҳакам сифатида ишласа, унга Алишер Усмонов ва Ислом Азимов ёрдам беради.