Ўзбекистонлик муайтайчилар кучли учликдан жой олди

2025 йил 12-16 февраль кунлари Бирлашган Араб Амирлигининг Абу Даби шаҳрида бўлиб ўтган муайтай бўйича барча ёш тоифалари ўртасида “UAE Muay Thai Open Championship 2024” халқаро турнирида ўзбекистонлик спортчилар ҳам муносиб иштирок этди.

Мазкур нуфузли мусобақада 8 та давлатдан 850 нафарга яқин муайтайчилар ғолиблик учун беллашди.

Ўзбекистон делегацияси 40 нафар иштирокчи билан 34 та медал - 16 та олтин, 13 та кумуш, 5 та бронзани қўлга киритишди ҳамда умумжамоа ҳисобида 3-ўринни эгаллади.

Бу ҳақда Ўзбекистон бокс федерацияси хабар бермоқда.