Ўзбекистоннинг мундиалдаги рақиби мухлисларига АҚШга кириш тақиқланди

Ўзбекистон терма жамоаси билан бир гуруҳдан жой олган Конго Демократик Республикаси терма жамоасининг 2026 йилги жаҳон чемпионатида иштирок этиши ҳақида маълумот пайдо бўлди. Шундай қилиб, Конго футболчиларига таҳлил натижалари ижобий бўлган тақдирда АҚШ, Канада ва Мексикага боришга рухсат берилади. Конголик мухлислар эса, эҳтимол, АҚШга киритилмайди.

Politico, CNN ва бошқа бир қатор нашрларнинг хабар беришича, АҚШда Эбола вируси туфайли кучайтирилган санитария назорати жорий этилган. Уганда, Конго Демократик Республикаси ёки Жанубий Суданга ташриф буюрган чет эл фуқароларининг мамлакатга кириши тақиқланган.

Ҳатто 2026-йилги Жаҳон чемпионатига қадар ушбу кириш тақиқи бекор қилинган тақдирда ҳам, конголик мухлислар барибир ўйинларга қатнаша олмайдилар, чунки улар АҚШга келганларидан кейин бир неча ҳафта давомида изоляция ва карантинга риоя қилишлари шарт.

Эслатиб ўтамиз, Конго Демократик Республикаси мундиалда терма жамоамизга қарши 3-тур баҳсларида майдонга тушади.