Пако Алькасер: "Барселона"да менга ёмон муносабатда бўлганлар ҳам бор эди...

“Боруссия” Дортмунд клуби ҳужумчиси Пако Алькасер “Барселона”да тўп сурган пайтлари ҳақида гапирди.

“Мен “Барселона”нинг аксарият футболчиларини ҳурмат қиламан. Уларнинг кўпчилиги менга нисбатан яхши муносабатда бўлган, бироқ ҳаммаси ҳам эмас.

Мухлислар ва футболчилар менга яхши муносабатда эди. Аммо, у ерда менга ёмон муносабатда бўлган одамлар ҳам бор эди”, - дейди испаниялик футболчи.

Эслатиб ўтамиз, 26 ёшли Алькасер 2016-2018 йилларда каталонияликлар шарафини ҳимоя қилган.

Маълумот учун, “Боруссия” Дортмунд 17 сентябрь куни Чемпионлар лигаси гуруҳ босқич дастлабки турида “Сигнал Идуна Парк”да “Барселона”ни қабул қилади.

Фикрлар

Фикр қолдириш учун авторизациядан ўтинг!