Пако Алькасер яна Испанияга қайтмоқда
Дортмунднинг “Боруссия” клуби форварди Пако Алькасер яна Испанияга қайтишга яқин турибди.
AS нашри тарқатган хабарга қараганда 26 ёшли футболчи тез орада “Вильярреал” аъзосига айланади. “Сариқ сув ости кемаси” аллақачон ушбу трансфер масаласида дортмундликлар билан келишувга эришган. Унга кўра испан клуби Алькасер учун немис грандига 23 млн евро тўлайди.
Маълумот учун, Алькасер жорий мавсум Бундеслигада жами 11 та ўйинда майдонга тушди ва 5 та гол ҳамда 1 та голли узатмага муаллифлик қилди. Унинг “Боруссия” билан амалдаги шартномаси 2023 йилга қадар имзоланган.
Фикрлар