Пара пауэрлифтинг. Ақидахон Ахтамова Жаҳон кубогида тенгсиз бўлди!

Пара пауэрлифтинг бўйича Таиландда давом этаётган Жаҳон кубогидан навбатдаги хушхабар! 

Бундан бироз аввал аёллар ўртасида -50 кг вазн тоифасида баҳсларда қатнашган ҳамюртимиз Ақидахон Ахтамова 104 кг натижа билан олтин медални қўлга киритди. Вакилимиз ушбу натижа орқали Жаҳон рейтингида 5-ўринга ҳам кўтарилиб олди.

Эслатиб ўтамиз, кеча икки нафар пара пауэрлифтингчимиз Жаҳон кубогида совриндорлар сафидан жой олган эди.